Një modele australiane, Kanika Batra, ka treguar së fundmi se një “çrregullim karakteri” që ka, e bën të tradhtojë rregullisht të dashurit e saj pasi “është e varur nga të tjerët për të ruajtur vetë-vlerësimin dhe nuk është e aftë të “prodhojë respekt të brendshëm”.
26-vjeçarja thotë se ka “çrregullimin narcizist të karakterit” që i sjell epshe impulsive, ndjesi zbrazëtie dhe humor të paqëndrueshëm.
“Kur marr komente pozitive ndjehem shumë mirë, mirëpo ato nuk zgjasin shumë. Ndërsa kur më shajnë, më lëndojnë shumë më tepër nga sa mund ta shpjegoj. Ndjej vetëm vlerësimet e jashtme, nuk mund të prodhoj vetëvlerësim të brendshëm”- thotë ajo në intervistën me rrjetin SBS Insight.
Batra, e cila është e fejuar me të dashurin Sam, ka thënë në një intervistë se ka tradhtuar të tre të dashurit e mëparshëm pasi nuk e kishte ndjesinë e fajit që vjen zakonisht me tradhtinë e partnerit.
“Nuk ndjehesha në faj, nuk është se nuk shkoja në shtëpi apo nuk më zinte gjumi se kisha tradhtuar të dashurin, atë pjesë e fikja fare për ta lënë diku larg në mendje”.
Por pas konsultimeve me psikiatrin, Batra thotë se ka arritur ta heqë këtë sjellje dhe të bëhet më e ndërgjegjshme.
