Dy viktimat e atentatit të kësaj mbrëmje nuk janë të panjohur për drejtësinë. Ata janë shoqëruar disa herë në policia si dhe në emër të tyre janë të regjistruar disa vepra të ndryshme penale. madje kanë qenë edhe të dënuar nga drejtësia dhe më pas janë liruar.
Erigres Mihasi, i liruar në muajin korrik 2019 nga Prokuroria e Gjirokastrës për mungesë provash në ngjarjen e dhunimit dhe grabitjen e prindërve të Elton Çiços.
Dyshohet se Mihasi në këtë krim ka bashkëpunuar ngushtë edhe me Santiago Malkon, i cili mbeti i vrarë me 10 plumba në zonën e Porcelanit pak vite më parë.
Mihasi dhe Malko njihen nga policia e Shtetit si kontigjentë kriminalë dhe pjesë e një grupimi kriminal në kryeqytet, kanë qënë të dyshuarit kryesorë por çuditërisht asnjëri prej tyre nuk është arrestuar, megjithëse kanë qënë në kërkim policor, por që më pas i është anolluar kërkimi si pasojë e përfundimit të afatit.
Goditja me armë e Rivelino dhe Juxhin Mumajesi, si dhe plagosja e mikun të tyre, Ibrahim Durollari, ka ndodhur gati një vit pasi Erigres Mihasi, dyshohet se është përfshirë në një ngjarje tjetër kriminale në Laç, ku ka mbetur i plagosur Rudolf Toma, në vitin 2017, ky i fundit punonjësi bashkisë së Kurbinit.
Në këtë ngjarje ka marë pjesë një grup i përbërë nga pesë persona, i paisur me armatim si pistoletë dhe automatik kallashnikov, të cilët kanë sulmuar me armë, shkelma dhe grushta grupin e të rinjve ku ndodhej dhe Rudolf Toma. Si pasojë e të shtënave më armë është plagosur punonjësi i bashkisë së Laçit, Rudolf Toma.
Ndarkohë, edhe 26-vjeçari Armando Dumani nuk është një emër i panjohur për drejtësinë shqiptare. Ai është arrestuar më parë pasi dyshohet se është autori i dyshuar i një sërë vjedhjesh me armë në filiale bankash në qytetin e Vlorës.
