Më 14 nëntor në Budapest të Hungarisë do të mbahet eventi i madh i ndarjes së çmimeve, MTV Europe Music Awards 2021.
Prezente në MTV EMA 2021 do të jetë edhe artistja shqiptare me famë ndërkombëtare, Rita Ora. Kjo e fundit do të jetë e pranishme si prezantuese, për të ndarë një çmim ose për të prezantuar një performancë skenike.
Këtë gjë e ka konfirmuar vet Ora përmes disa imazheve të publikuara në InstaStory, ku ka njoftuar fansat se do të jetë në Hungari mbrëmjen e 14 nëntorit.
E nominuar për të fituar një çmim në mbrëmje është edhe këngëtarja tjetër e famshme shqiptare, Dua Lipa. Kjo e fundit është kandiduar për çmimin “Artisti/ja më i/e mirë /ie zhanrit pop”, krahas emrave të njohur si: BTS, Doja Cat, Ed Sheeran, Justin Bieber dhe Olivia Rodrigo.
