Një person u arrestua nga policia e Kavajës që sekuestroi 4 kilogramë e 403 gramë kanabis.
“Bazuar në informacionet e marra në rrugë operative për një shtetas që posedonte lëndë narkotike në banesë, shërbimet e Policisë Kavajë kanë organizuar punën dhe kanë ushtruar kontroll në banesën e shtetasit N.Q., në fshatin Veliboshtovë. Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar 4 kg e 403 gramë lëndë narkotike të dyshuar cannabis sativa”, njoftoi policia këtë të Premte.
Në vijim të veprimeve, specialistët e Komisariatit të Policisë Kavajë bënë arrestimin në flagrancë të shtetasit N. Q., 61 vjeç, shtuan të njëjtat burime.
Ndaj 61-vjeçarit rëndon akuza për veprën penale “Prodhimi dhe shitja e narkotikëve”.
