Kombëtarja jonë U19 e ka nisur edicionin e eliminatoreve Euro 2022 me një humbje të thellë 4-0 nga Franca.
Ekipi i Armando Cungu dukej mirë në minutat e para duke shënuar dhe një golë por që më pas u anullua nga gjyqtari. Më pas francezët nisën serinë e golave në minutën e 28’ me Alan Virginius.
Nuk mbaroi me kaq dhe shumë shpejtë Matthis Abline shënoi dy herë në minutat e 35’ dhe 40’ duke mbyllur pjesën e parë me rezultatin 3-0.
Në të dytën francezët shënojnë përsëri në minutën e 64’ Loum Tchaouna.
Kjo ishte ndeshja e parë e kuqezinjve dhe dy ndeshjet e radhës do t’i kenë në “Elbasan Arena” ndaj Serbisë dhe Maqedonisë së Veriut.
