Pas dy ditësh pushim, Partizani ka rinisur përgatitjet për ndeshjen e Superiores kundër Laçit.
Me ekipin është rikthyer edhe Alban Hoxha, i cili kishte disa ditë i dëmtuar në dorë. Sakaq me grupin janë përgatitur edhe Herald Marku me Tedi Carën. Ndërkohë, Maguette është futbollisti i vetëm i cili vijon fazën e riaftësimit.
“Pas dy ditëve pushim ekipi i është rikthyer sot përgatitjeve. Në orën 13:30 skuadra është vënë nën urdhrat e trainerit Ilir Daja dhe stafit teknik. Vokli Laroshi, Albion Marku dhe Arinaldo Rrapaj janë mungesat e vetme pasi janë të impenjuar me ekipin tonë përfaqësues U-21.
Në seancën e sotme kanë qenë prezent edhe kapiteni Alban Hoxha, Herald Marku dhe Tedi Cara. Stërvitje të diferencuar ka zhvilluar mesfushori Maguette, i cili po vijon fazën e rikuperimit pas dëmtimit. Përgatitjet do të vijojnë të enjten me seancën e radhës në program në orën 13:30″, shkruhet në faqen zyrtare të klubit të Partizanit.
