Deputeti demokrat, njëherësh kryetar i Këshillit Kombëtar të PD, Edi Paloka, në një lidhje me emisiionin ‘Opinion’ ka folur për dorëzimin e firmave të delegatëve.
I pyetur se përse formularët nuk u janë dorëzuar sekretariateve por Këshillit Kombëtar, Paloka tha se ne këtë rast kemi të bëjmë me një Kuvend të jashtëzakonshëm.
Diskutimi:
Fevziu: A u dorëzuan formularët?
Paloka: Po. Këtë e ndoqët LIVE. Fillimisht u paraqitën në konferencën e zotit Berisha, ku u vunë përpara gazetarëve të gjithë formularët për të hequr çdo dyshim edhe të ligjshëm nëse janë apo jo të vërteta formularët.
Fevziu: Pse nuk u dorëzuan tek sekretariati?
Paloka: Unë jam në rolin e Kryetarit të Këshillit Kombëtar, të cilit i ëhstë kërkuar të bëjë depozitimin e këtyre formularëve, duke dhënë argumentin e tyre se pse nuk e japin në strukturat e tjera. Nuk ka në statut asnjë pikë që të referohet s eku duhet të depozitohen këto formularë. Kemi rastin e një Kuvendi të jashtëzakonshëm, nuk jemi në një kuvend të zakonshëm.
Fevziu: Pse nuk bëhen transparente firmat?
Paloka: Shpjegimi që është dhënë edhe sot që ëhstë edhe logjik edhe praktik, ëhstë e në kuvendet e zakonshme e bën vetëm Kuvendi, e bën komisioni i verifikimit të mandateve, as në statut nuk parashikohet dhe nuk ka as forum tjetër që të bëhet verfikimi i mandateve.
