Kombëtarja shqiptare luan dy ndeshjet e fundit eliminatore për Botërorin “Katar 2022” të vlefshme për Grupin I.
Momentalisht kuqezinjtë e drejtuar nga Reja mbajnë vendin e tretë në grup, pesë pikë larg Anglisë së vendit të parë dhe dy pikë më pak se Polonia në vendin e dytëë.
Duke qenë edhe 6 pikë në lojë, matematikisht, por edhe me një përllogaritje të çmendur bën që Shqipëria të ketë shanse edhe për vendin e parë, por jo më për t’u renditur e dyta.
Por në realitet shanset janë minimale për të dyja këto objektiva, pasi dihet që ndeshjen e parë e luajmë në Wembley ndaj Anglisë (12 nëntor), ku duhet të fitojmë këtë sfidë dhe të fundit me Andorrën, për të shpresuar më tej te hapat e gabuar të anglezëve me San Marinon.
Ndërsa për vendin e dytë, ku llogaritë i kemi me Poloninë, duhet që kuqezinjtë të marrin 6 pikët e plota dhe Polonia të mos marrë më shumë se 3 pikë në dy sfidat e saj, fillimisht me Andorrën në transfertë dhe në fund polakët presin Hungarinë në shtëpi.
Pra, objektivi më i prekshëm I Shqipërisë është që të ruajë vendin e tretë në grup, pasi Hungaria është 4 pikë larg, por jemi të favorizuar për ta ruajtur këtë pozicion falë sfidës së fundit ku luajmë në shtëpi ndaj Andorrës.
