Një aksident me pasoja fatale ka ndodhur mëngjesin e sotëm në Durrës. Një i ri ka mbetur i vdekur dhe një tjetër është plagosur rëndë.
“Rreth orës 05:00, në aksin rrugor Plepa-Romanat, mjeti tip ‘Benz’ me drejtues shtetasin E.K., 23 vjeç, ka humbur kontrollin dhe është përplasur me një plep. Si pasojë e përplasjes drejtuesi i mjetit ndodhet nën kujdesin e mjekëve në gjendje të rëndë dhe ka ndërruar jetë pasagjeri shtetasi G.H., 23 vjeç”, njoftoi policia.
Grupi hetimor po punon për zbardhjen e rrethanave të aksidentit, shtuan të njëjtat burime.
