Një ministër vietnamez është vënë në qendër të kritikave, pasi një video e tij duke ngrënë biftek me flori nga dora e shefit të famshëm Nusret Gokce, është bërë virale.
Ministri i Rendit, gjenerali To Lam po darkonte në restorantin super të shtrenjtë të “Salt Bae”, në Londër, ndërsa kritikët vunë theksin te çmimi i biftekut në atë vend, që është më shumë sesa rroga e tij si ministër.
Videoja u publikua në rrjetet sociale të Nusretit, por u fshi menjëherë kur “mori dhenë”.
Një rast u ngjashëm ndodhi disa muaj më parë dhe me ministra të qeverisë shqiptare.
Ministrat Arben Ahmetaj e Belinda Balluku, nënkryetari i Bashkisë së Tiranës, Arbjan Mazniku, biznesmeni Samir Mane e të tjerë shoqërues të tyre, u shfaqën në restorantin e Nusretit në Dubai.
