Ish lojtari i akademisë së Manchester City-t, Jeremy Wisten u nda nga jeta për shkak se vrau veten. 1 vit pas ndarjes nga jeta të djaloshit, ekspertiza mjekësore ka nxjerrë shkakun që e shtyu atë të ndërmarrë këtë vendim.
18 vjeçari u bë pjesë e ‘Qytetarëve’ kur ishte 13 vjeç dhe shikohej si një yll i së ardhmes. Megjithatë ëndrra përfundoi sepse në 2018 ai dëmtoi ligamentin dhe klubi nuk i rinovoi kontratën. Sipas mediave angleze ky ishte pikërisht shkaku që çoi djaloshin në vetëvrasje.
Jeremy kishte rënë në depresion për shkak të mos rinovimit të kontratës, ndërkohë që shokët e tij vazhdonin të stërviteshin me klubin.
Babai i tij tha se Jeremy nuk mori trajtimin e duhur nga Mançester Siti. “Ai mendonte që klubi nuk po e mbështeste për të gjetur një skuadër të re”.
Zoti Uisten tha se klubi i kishte premtuar që do ta aktivizonte në disa ndeshje, me qëllim që të binte në sy të zbuluesve, por kjo gjë nuk ndodhi.
Jeremy u gjet i varur në dhomën e tij në 24 tetor 2020, rreth dy vite pasi ndërpreu kontratën me Mançester Sitin.
