Një ngjarje e pazakontë ka ndodhur në Afrikën e Jugut, ku bandat i vodhën policisë plot 541 kilogramë kokainë.
“Sasia e drogës u grabit brenda zyrës së Njësisë Speciale Hawks në qytetin Port Shepstone, provincën lindore të KëaZulu-Natal, gjatë fundjavës”, njoftoi policia.
Hajdutët kanë hyrë në rajonin e policisë nga një dritare dhe më pas kanë arritur të hyjnë në dhomat e blinduara ku mbahej droga e sekuestruar. Ende nuk është kryer asnjë arrestim por vijon puna për të identifikuar autorët e ngjarjes.
Afrika e Jugut luan një rol të rëndësishëm si një vend tranziti për tregtinë e paligjshme të kokainës në Amerikën Latine, veçanërisht për transportin në Australi, Evropë dhe Hong Kong.
