Ermal Mamaqi ka insistuar që ta kishte në serialin “H.O.T” aktoren Ana Lika. Por që Ana të pranonte këtë rol nuk ka qenë aspak e lehtë.
Në një intervistë për “Prive”, Ermali ka treguar se Ana kur lexoi vazhdimin e skenarit u ofendua dhe u largua nga zyra.
“Ana Lika nuk ka qenë përzgjedhja ime, por insistim i imi që ajo të qëndronte. E morëm Anën, erdhi bëri provat, por kishte ndodhur një çudi sepse ajo kishte lexuar vetëm dy skenarët e serive të para, ndërkohë që tek seritë e tjera ajo duhet të flejë me tre burra dhe të puthet me të gjithë aktorët. Kur lexoi vazhdimin e skenarit, tha: ‘Po pse çfarë më dini ju mua, ku*vë?’, i hodhi skenarët dhe iku nga zyra. Pastaj e ndryshuam pak skenarin dhe e rikthyem”- tregoi Ermali.
