Është luajtur ditën e sotme ndeshja e fundit e javës së tetë e “Abissnet Superiore”, mes Egnatias dhe Vllaznisë.
Kjo sfidë u mbyll në barazim, me skuadrat që nuk përfituar nga hapat fals të Teutës dhe Kukësit.
Golin e parë të sfidën e shënoi skuadra e Egnatias në minutën e 16, ku një goditje nga distanca e Iseni ka përfunduar në fundin e rrjetës duke mposhtur kështu portierin e Vllaznisë, Zogovic.
Në minutën e 45 të pjesës së parë është bërë protagonist edhe VAR duke i ardhur në ndihmë shkodranëve më anë të një penalltie të kthyer në gol nga Liridon Latifi, duke barazuar rezultatin në 1-1.
Pjesa e dytë pati raste nga të dyja skuadrat për të shënuar edhe golin e fitores por pa arritur të konkretizojnë rastet e krijuara.
Mbyllet kështu kjo sfidë mes Egnatias dhe Vllaznisë me rezultatin 1-1, duke ndarë pikët, por pa arritur të kthehen tek fitorja.
Pas këtij barazimi skuadrat ndajnë respektivisht vendin e 5 Vllaznia dhe të 6 Egnatia me nga 10 pikë secila.
