Kreu i Partisë Demokratike, Lulzim Basha do të mbledhë këtë të diel në selinë blu kryesinë e grupit parlamentar.
Mbledhja do të nisë në orën 18:00. Nuk dihet se cilat do të jenë tematikat e diskutimit në këtë mbledhje.
Sa i përket çështjeve parlamentare, siç është bërë e ditur më herët, Partia Demokratike ka prezantuar tre amendamente, që parashikojnë, ndryshime në kodin zgjedhor, reformë të re territoriale dhe implementimin e Vettingut në politikë.
Por nuk dihet ende nëse pikërisht në mbledhjen e sotme do të diskutohet sërish lidhur me këto propozime.
