Një trup i pajetë është gjetur në Dajt këtë të Shtunë, që i përket biznesmenit të zhdukur të inerteve, Rruzhdi Hoxha.
Trupi i pajetë është gjetur nga policia në një humnerë në Qafë-Mollë, në zonën e Dajtit.
Fillimisht, u gjetën disa rroba me njolla gjaku. Më pas, kërkimet e forcave policore me anë të një qeni gjurmues, ka arritur të gjejë trupin e pajetë.
Burime policore thanë se biznesmeni është qëlluar me armë zjarri.
Biznesmeni 43-vjeçar, banues në Paskuqan, rezulton i zhdukur prej datës 20.10.2021. Ka qenë djali i tij që ka bërë kallëzim në polici për zhdukjen e të atit.
Lexo edhe:
