Pak ditë më parë Kryeministri Edi Rama shprehu kritika të forta në drejtim të Ndërmarrjeve të Ujësjellës Kanalizimeve, që sipas tij paguanin kot persona që nuk shkonin në punë. Duket se pas kësaj deklarate të Kryeministrit, drejtuesit e ndërmarrjeve kanë nisur “operacionin” fshesa.
Duket se e para që ka nisur pastrimin e administratës është drejtoresha e Ujësjellësit të Vlorës Elona Hodaj, e cila sipas raportimeve ka larguar nga puna 30 punonjësit e parë.
Burimet bëjnë me dije se janë shkarkuar punonjës që nuk shkonin rregullisht në punë, ose ata që nuk u përputhej diploma me vendin e punës.
Gjithashtu raportohet se Hodaj po kalon në sitë të gjithë punonjësit e ujësjellësit dhe pritet të ketë të tjera shkarkime.
