Një shpërthim tritoli ka ndodhur në orët e vona të mbrëmjes së të enjtes në Fushë Krujë. Nga raportimet mësohet se shpërthimi ka ndodhur në fshatin Zallë. Nga të dhënat e para raportohet se në portën e avllisë së banesës së shtetasit E.H, ishte vendosur një sasi lënde eksplozive.
Fatmirësisht nga shpërthimi nuk ka të lënduar, por vetëm dëme materiale.
Ndërkohë paraprakisht nga informacionet rezulton se pronari i banesës është një person pa probleme me drejtësinë.
“Më datë 05.11.2021, rreth orës 00:56, tek porta e rrethimit të jashtëm të banesës së shtetasit E. H, në fshatin Zallë, Fushë-Krujë, ka plasur një sasi e vogël dyshohet lëndë plasëse.
Për pasojë është dëmtuar vetëm porta e rrethimit të jashtëm të banesës”, thuhet në njoftimin e policisë
