Zbulohet dëshmia e Kabil Hundës, i arrestuar si i dyshuar për përdhunimin e një 16-vjeçareje në Gjirokastër para oficerëve të Policisë Gjyqësore në Gjirokastër. Mësohet se 53-vjeçari është marrë me forcë mbrëmjen e djeshme në ambientet e Policisë së Gjirokastrës pasi kërkonte të mësonte se për çfarë po shoqërohej në polici.
Ai është marrë në pyetje në orën 23:30 dhe kur i është komunikuar akuza ka filluar të bërtasë dhe të replikojë me oficerin e policisë gjyqësore.
Mësohet se 53-vjeçari ka mohuar të gjitha akuzat e ngritura për përdhunim sistematik nga 16-vjeçarja. “Nuk janë të vërteta akuzat, nuk dëshiroj të jap asnjë lloj shpjegimi për këtë ngjarje të montuar, por do të shprehem në një moment të dytë”, ka deklaruar Hunda.
Marrja në pyetje është ndërprerë disa herë për shkak të gjendjes tepër të renduar të 53-vjeçarit, i cili në një moment i ka rënë murit me kokë. Par refuzimit të dhënies së shpjegimeve të tij, dosja hetimore nuk është dorëzuar ende në organin e akuzës, pasi pritet të plotësohet me dy dëshmi të tjera.
/A2 News/
