Kryeministri Edi Rama në një intervistë për Report Tv, foli për nismën ‘Ballkani i Hapur’.
I pyetur nëse kjo nismë ka marrë goditje pas dorëheqejes së Zoran Zaev si kryeministër i Maqedonisë së Veriut, Rama ëhstë shprehur se nuk e beson një gjë të tillë.
“Nuk e besoj, sepse kjo nuk është një nismë që lidhet me persona, por me të ardhmen e këtij rajoni, dhe më të mirën e vendeve të rajonit. Ne jemi në këtë nismë për interesin e Shqipërisë dhe shqiptarëve dhe besojmë fort që kjo nismë në funksion të zbatimit praktik të atyre që janë parimet dhe kriteret e Procesit të Berlinit, është e vetmja rrugë për ta jetësuar Procesin e Berlinit, për të gjeruar kapacitetin ekonomik të vendeve tona, dhe patjetër për ta stimuluar më tutje paqen në rajon duke krijuar një atmosferë ku edhe vetë dialogu shumë i vështirë midis Serbisë dhe Kosovës mund të zhvillohet në kushte më inkurajuese.”-tha Rama.
