Fabio Carvalho, talent i ri i Fulham, duket se ka refuzuar një ofertë të rëndësishme për të rinovuar kontratën.
Sipas The Sun, portugezi i datëlindjes 2002, i cili ka edhe pasaportë angleze, i ka thënë jo një “oferte të jashtëzakonshme”. Ai do të mund të largohet nga Cottagers me kosto zero në fund të sezonit.
Londinezët nuk kanë ndërmend të bëjnë një ofertë të re dhe Carvalho, i cili ka shënuar 3 gola në 6 ndeshje të Championship, mund të largohet që në janar.
Fulham mund të provojë të fitojë një shumë parash në merkaton e janarit, duke parë se talenti pëlqehet nga Milan dhe Real Madrid.
Kuqezinjtë e ndjekin me vëmendje dhe do të ishte një goditje “alla Maldini”. Marco Silva, trajneri i Fulham, i ka dhënë një ultimatum:
“Duhet të vendosë sa më shpejt të jetë e mundur se çfarë do të bëjë për të ardhmen e tij, por tani është e rëndësishme të lihet i qetë në këtë periudhë. Shpresoj që ata që janë afër tij t’i japin këshillën e duhur”.
Tani i takon djaloshit të marrë një vendim, me Milan-in që shpreson që të zgjedhë të transferohet në Milano.
