Gazetari boshnjak, Jasmin Mujanovic ka njoftuar se ka dështuar përpjekja ruso-serbe për ndërprerjen e mandatit të EUFOR-it në Bosnje e Hercegovinë.
Përmes një cicërime në Twitter, Mujanovic tha se mandati i EUFOR-it është zgjatur zyrtarisht në Këshillin e Sigurimit të OKB-së.
“Mandati i EUFOR-it në Bosnjë është zgjatur zyrtarisht në KS të OKB-së, por Rusia me sukses ia bllokoi Schmidt-it paraqitjen e raportit të tij, ndonëse ai (raporti) u dorëzua formalisht në këtë organ. Tani fokusi duhet të vendoset te kundërshtimi i dredhive ushtarake në rritje të Dodikut për ndarje”, shkroi Mujanovic.
