Avokati Lavdosh Shehu, i arrestuar disa ditë më parë me urdhër të SPAK, për “ushtrim i ndikimit të paligjshëm ndaj personave që ushtrojnë funksione publike”, ka apeluar vendimin e Gjykatës së Posaçme të Shakallës së Parë, e cila vendosi masën e sigurisë së arrestit me burg.
Përmes një mbrojtësi ligjot, Shehu ka depozituar ankimimin në Apel ku kërkon ndryshimin e masës nga “arrest me burg” në garanci pasurore.
Në ankimin e depozituar, avokati pretendon se nuk ka konsumuar vepër penale, pasi ai ka proceduar komform të gjitha rregullave ligjore, për ekstradimin nga Italia drejt Shqipërisë të shtetasit Fatos Hyseni i dënuar me 30 vite burg për vrasje.
Në ankimim thuhet se Shehu, nuk ka takuar apo nuk ka ndërhyrë tek asnjë zyrtar apo punonjës në ministrinë e drejtësisë, ku të gjitha komunikimet i ka kryer nëpërmjet email-it.
Gjithashtu në ankimim thuhet se për 5000 mijë eurot që avokati i ka marrë shtetases Shqipe Hyseni, për punën e transferimit të djalit të saj, ai i ka kthyer asaj një shumë prej 900 eurosh. Ndërsa për 4100 euro ai ka lëshuar edhe faturë tatimore.
Shehu u arrestua pak ditë më parë me urdhër të Prokurorisë së Posaçme. Ai kishte kërkuar 12 mijë euro nga familje e Fatos Hysenit në mënyrë që të bënte të mundur ekstradimin nga Italia në Shqipëri të këtij personi, për të vuajtur dënimin në vendin tonë.
