Në Itali janë shënuar 2818 raste të reja me koronavirus nga 146725 testime të kryera. Një ditë më parë ishin 350170 testime.
Në 24 orët e fundit janë regjistruar dhe 20 vdekje, ndërsa të dielën ishin 26. Ndërkohë janë 364 pacientë të shtruar në terapi intensive, 22 më shumë se të dielën krahasuar me hyrjet dhe daljet. Të shëruarit janë 1524. Norma e pozitivitetit prej 1.3% (+0.6).
Hyrjet ditore, sipas të dhënave të Ministrisë së Shëndetësisë së Italisë janë 33, dje 17. Të shtruarit me simptoma në pavijonet e zakonshme janë 2863, ose 109 më shumë në krahasim me një ditë më parë.
Në total numri i personave që kanë humbur jetën në Itali që nga fillimi i pandemisë shkon në 132120, sipas buletinit të Ministrisë së Shëndetësisë. Deri tani janë dhënë 89 881 677 doza të vaksinës kundër COVID-19.
