Moderatorja Einxhel Shkira ka folur në “Big Brother” rreth dëshirës për t’u bërë nënë në të ardhmen, por theksoi faktin se për të nuk ka rëndësi martesa.
“Dua të bëhem nënë, por nuk kam pse pres për njeriun e duhur që të ndodhë. Nuk po them që do marr të parin që më del në rrugë, por mjafton të jetë një person që do fëmijë dhe do të kujdeset për të ndërkohë që secili vazhdon jetën”- tha Einxhel.
Einxhel tha se për këtë dëshirë është gjykuar shumë nga ata persona që besojnë se fëmija duhet rritur me babanë dhe nënën pranë.
“Ka shumë fëmijë që janë rritur vetëm me një prind dhe kanë pasur familje të shëndetshme”- tha moderatorja.
