Një ndërtesë 21-katëshe raportohet të jetë shembur në rrethana ende të paqarta në Nigeri.
Mediat e huaja shkruajnë se ndërtesa, ndodhej në anën e pasur të qytetit të Lagos, ndërsa është ende e paqartë se sa persona ishin duke punuar aty, në kohën e shembjes.
Megjithatë, ekziston frika për të bllokuarit në rrënoja , ndërkohë që llogaritet se në atë kohë punonin rreth 100 persona.
“ Mendova se ishte një tërmet. “Ndërtesa po dridhej dhe ne kuptuam se diçka nuk shkonte ”, tha për CNN një banor lokal.
Duhet theksuar se shembja e ndërtesave është regjistruar disa herë në vitet e fundit në Lagos, qyteti më i madh i Nigerisë me një popullsi prej 20 milionë banorësh .
Në vitin 2019 , shembja e dy ndërtesave të ndryshme, përfshirë një shkollë, la dhjetëra të vdekur. Sipas një eksperti që foli për CNN, më shumë se një mijë ndërtesa janë në rrezik të shembjes në Lagos.
