Pas dy barazimeve radhazi, një tjetër ndalesë do të ishte shumë negative për kampionët në fuqi të Spanjës. Atl. Madrid mori nje fitore të pastër dhe shumë bindëse ndaj Betis në “Wanda” duke treguar se ka ende për të dhënë në rrugën e mbrojtjes së titullit.
Nën reshjet e dendura të shiut, skuadra e Simeones gjeti avantazhin që në pjesën e parë në 26’ me Carrasco dhe pavarësisht qëndresës nga Betis edhe në fraksionin e dytë ishte më mirë se kundërshtari.
Në 63’ Pezzella ishte i pafat kur shënoi një autogol dhe në 80’ vulosi gjithçka Joao Felix me suksesin e pastër 3-0.
Kjo fitore e afron Atl. Madrid me kryesuesit e Real Madrid dhe Sociedad vetëm 2 pikë larg.
