Një nga të akuzuarit dhe të dënuarit e grabitjes së rreth 53 mln paundëve në Britaninë e Madhe është martuar disa muaj pasi u lirua para kohe nga burgu.
Media britanike “Mirror” shkruan se Jetmir Bucpapa, u mbyll me gjashtë të tjerë në vitin 2008 për vjedhjen e 53 milionë paundëve nga depoja e Securitas në Tonbridge, Kent.
Mbi 30 milionë paund ende mungojnë, por Buçpapa e bindi gjyqtarin se nuk kishte asgjë dhe u urdhërua të paguante vetëm një paund.
Sipas medias britanike, 41 vjeçari, u dënua me 15 vjet burg për grabitje, rrëmbim dhe armë. Ai u lirua nga Belmarsh, Londra Juglindore në gusht të vitit të kaluar dhe u deportua.
Gruaja e parë britanike e Bucpapas, Rebecca, ishte zotuar se do t’i qëndronte pranë, por ata thuhet se janë divorcuar, ndërsa ai ndodhej në burg.
Jetmiri u martua me Besiana Dushinën në qytetin e tyre të lindjes, Tropojë. Fotot i tregojnë ata duke pozuar me dashuri në një shtëpi madhështore.
Më pas ata u nisën për në muajin e mjaltit. Besiana, 34 vjeç nuk pranoi të na tregonte se ku, por tha se ishte “shumë e veçantë”.
Një burim në Shqipëri tha: “Deri më tani ne nuk kemi asnjë kërkesë nga Britania e Madhe për të hetuar ndonjë pronë apo investim nën emrin e tij apo të të afërmve të tij”.
