Policia e Tiranës ka referuar në prokurorinë e rrethit materialet për një person me probleme mendore i cili ka kanosur një infermier.
Sipas policisë, E. L, 38 vjeç në ambientet e spitalit ka kanosur me anë të një pistolete zhurmuese infermierin.
Po ashtu, gjatë kontrollit të banesës së tij i janë sekuestruar 2 pistoleta, njëra zhurmues dhe tjetra çakmak, një sasi fishekësh të ngjashëm me ato zhurmues si dhe disa veshje si ato të policisë.
“Specialistët për Hetimin e Krimit në Komisariatin e Policisë Nr.4 referuan materialet në Prokurorinë pranë Gjykatës së Shkallës së Parë Tiranë, për shtetasin E. L, 38 vjeç, i cili vuan nga problemet e shëndetit mendor (skizofreni) pasi në ambientet e spitalit ka kanosur me anë të një pistoletë zhurmuese infermierin e spitalit. Në vijueshmëri të veprimeve, gjatë kontrollit të banesës, iu gjet e iu sekuestrua në cilësinë e provës materiale, 2 pistoleta (njëra zhurmues dhe tjetra çakmak) një sasi fishekësh të ngjashëm me ato zhurmues si dhe disa veshje si ato të Policisë”, njofton policia.
Materialet i kaluan Prokurorisë pranë Gjykatës së Shkallës së Parë Tiranë, për veprime të mëtejshme, shtuan të njëjtat burime.
