Khloe Kardashian dhe vajza e saj, True Thompson, janë infektuar me COVID-19. 37-vjeçarja ka treguar se ka rezultuar pozitive me Covid dhe tha se është detyruar të anuloi të gjitha angazhimet.
“Përshëndetje, doja t’ju njoftoja që True dhe unë kemi rezultuar pozitive me COVID-19. Më është dashur të anuloi disa angazhime dhe më vjen keq që nuk do të jem në gjendje t’i realizoj ato.
“Për fat të mirë jam vaksinuar kështu që gjithçka do të jetë në rregull. Ne do të jemi në karantinë dhe do të ndjekim udhëzimet aktuale. Qëndroni të sigurt”- shkroi Khloe në një postim në Instagram.
Kjo është përballja e dytë me COVID-19 për yllin televiziv, e cila më parë zbuloi se kishte qenë e infektuar me virusin në mars 2020, pasi pandemia u përhap në të gjithë botën.
