Partizani do të jetë për Ilir Dajën në stol në ndeshjen e radhës ndaj Egnatias në “Air Albania” dhe për të folur për sfidën ishte Renato Kalari.
Zv/trajneri i të kuqve e cilësoi këtë ndeshje shumë të rëndësishme teksa e pranon se situata nga rezultatet nuk është shumë pozitive.
“Dihet se pas humbjes në derbi, aspekti psikologjik nuk është i mirë, veç fatit dhe rezultatit që prodhoi ajo sfidë. Edhe këtë ndeshje, pothuajse ishim në gjysmëfushën e kundërshtarit. Duhet të jemi optimistë për ndeshjen e radhës, që i ka të treja rezultatet. Ajo çka kaluar, ka kaluar. Nuk kemi bërë asgjë ndryshe, veçse kemi vazhduar punën, me skuadrën që stërvitet maksimalisht, me ndeshjen pasardhëse për të marrë maksimumin. Mungesa e fitores? Kanë qenë më shumë pikë të lënë, në bazë të asaj që kemi dhënë në fushë, sesa pikë të humbura. Egnatia është një ekip me kualitet, që ka marrë shumë pikë gjatë kësaj faze dhe duhet të ketë vëmendje maksimale. Derbi jonë është nesër”.
Kalari është optimist se një fitore me Egnatian do të ndryshojë gjithçka për Partizanin dhe vetëm 3 pikët janë objektivi i skuadrës.
“Kemi bërë ndeshje të mira. Mund t’i marrësh pikët në një mënyrë ose tjetër, por bëhet e vështirë më pas. Jemi të qetë sepse kemi dominuar në përgjithësi me të gjithë kundërshtarët. Besojmë se me Egnatian do jetë dita e kthesës, atë po presim të gjithë. Stafi dhe lojtarët kanë besim dhe do Zoti mos ndalemi më. Mungesat? Duke filluar nga trajneri, tifozët dhe Junior janë mungesa. Tifozët kanë qenë mbështetje e madhe, por edhe mungesat e tjera por do shohim në seancën stërvitore për të parë sesi do jetë gjendja”, deklaroi zv.trajneri i Partizanit në konferencën për shtyp.
