“Big Brother Vip” po ngjall reagimin edhe të predikuesve të fesë islame. Imami nga Prishtina, Labinot Maliqi, ka deklaruar se është haram të shikohet ky format televiziv. Ai ka thënë se një emision i tillë u bën dëm familjeve dhe veçse është haram që të shikohet, distancimi prej saj është obligim.
“Natyrisht që ato emisionet siç janë ‘Big Brother’, ato të tjerat që është marre me i përmend e lëre më që të diskutohet a me i shiku apo jo. Natyrisht që këto emisione përveç që janë haram që të shikohen, distancimi prej tyre është obligim, edhe për ata të moshës së rritur edhe për ata që janë të vegjël, sepse dëmet prej tyre veçse jemi duke i parë si shoqëri.
Çdo gjë që nuk i kontribuon moralit, edukimit dhe zhvillimit, emancipimit, nuk janë të mirëpritura për t’u shikuar. Çdo emision që ta humbë kohën, edhe nëse nuk ka imoralitet në të, edhe nëse nuk ka çoroditje në të, fjalë të ndyta, por që mjafton që ta humbë ty kohën, është haram.”– ka deklaruar Maliqi ndër të tjera.
