Gigi Hadid dhe Zayn Malik i kanë dhënë fund lidhjes. Ndarja mendohet se ka ardhur pasi këngëtari i famshëm akuzohet se ka goditur mamanë e modeles seksi. Madje thuhet se Yolanda Hadid po mendon që ta denoncojë në polici ish-dhëndrin e saj.
Lidhur me këtë ngjarje ka reaguar edhe këngëtarja Dua Lipa e cila është në një lidhje dashurie me djalin e Yolanda, Anwar Hadid. “Daily Mail” shkruan se së bashku me Bella Hadid dhe Anwar Hadid, edhe Dua ia ka hequr follow-in Zyan. Ndërkohë, e vetmja që akoma e ndjek këngëtarin është Gigi Hadid.
Sipas mediave të huaja e gjitha nisi pas një sherri në shtëpinë që Zayn ndan me Gigi Hadid dhe të voglën e tyre, Khai. Teksa Gigi po modelonte në Paris, Yolanda shkoi në shtëpinë e çiftit, mesa duket pa pëlqimin e Malik. Pas një përleshje me fjalë të ashpra, në të cilën ai dyshohet se e ofendoi me fjalë të rënda dhe më pas i tha: “Qëndro larg vajzës sime”. Më pas thuhet se i ka telefonuar Gigi-t në Paris dhe e ka qortuar në telefon, duke i bërtitur.
Një burim pohoi për “Sun” se Zayn dhe Yolanda kanë qenë në mosmarrëveshje që nga shtatzënia e Gigi-t. Artisti dyshoi se Yolanda kishte nxjerrë në media lajmin e shtatzënisë kur duhej të mbahej sekret, pohoi burimi i paidentifikuar.
