Aktori i famshëm Alec Baldwin po gjen ngushëllim tek familja e tij pas incidentit tragjik në të cilin ai vrau aksidentalisht kineasten Halyna Hutchins në xhirimet e filmit “Rust”.
Baldwin është larguar nga New York City dhe po kalon kohë me gruan e tij, Hilaria, dhe gjashtë fëmijët e tyre.
Një burim i thotë PEOPLE, Baldwin po qetësohet me familjen dhe ka “gjetur rehati” me ta pas të shtënave në xhirime.
“Alec dhe Hilaria u larguan nga qyteti dhe po rrinë me fëmijët”, thotë burimi. “Ata dalin herë pas here për të ngrënë darkë, por kryesisht përpiqen të mbrojnë privatësinë e fëmijëve dhe thjesht të kalojnë kohë të qetë së bashku si familje.
Alec vazhdon të pikëllojë ngjarjet tragjike të javës së kaluar, por ka gjetur ngushëllim duke qenë i rrethuar nga të dashurit e tij. Ai po përpiqet të përqendrojë vëmendjen e tij sa më mirë e që të jetë i pranishëm për gruan dhe fëmijët e tij ndërsa punon me traumën. Alec vazhdon të bashkëpunojë me zyrën e sherifit në hetimin e tyre.”
