Ish-konkurrenti i “Për’puthen”, Hysen Ramaj, i ftuar në “Shqipëria Live”, foli për eksperiencën e tij në programin e dashurisë. Ai tha se nuk e dinte se ish-e dashura e tij, Alvisa, ishte bërë pjesë e emisionit të dashurisë, kur ka bërë audicionet në fillim.
“Jam gjykuar e komentuar negativisht ditët e para, edhe pozitivisht. E kam pas bërë audicionin para se të merrja vesh se ishte edhe ajo. U tërhoqa njëherë kur mësova se Alvisa ishte aty.
Në fillim nuk e kisha menduar se është e vështirë, por më pas ishte siklet. Kur kishte takime me çunat dhe kishte afrimitet me ta. Unë nuk kam pas ndonjë afrimitet të madh me vajzat”- tha Hyseni.
I pyetur në lidhje me vajzat e tjera, Hyseni tha: “Më dukej inteligjente Ritvana, Antonia ishte simpatike”.
