Situatë kaotike në qendër të kryeqytet për sa i përket qarkullimit të automjeteve.
Nga fotot e sjella nga BoldNews, shihet një bllokim i trafikut në zemër të Tiranës, ndërsa policia rrugore nuk duket gjëkundi, për të menaxhuar situatën e rënduar.
Në fakt, trafiku në Tiranë është kthyer në makth për qytetarët që detyrohen të presin me orë të tëra të bllokuar në rrugë, teksa qeveria mburret për investime në infrastrukturë.
Nga ana tjetër, edhe policia rrugore duket e paaftë për të zgjidhur problemin. Shefi i Qarkullimit Rrugor ka dështuar fort në këtë aspekt, ndonëse po mbahet ende në detyrë nga Drejtori i Policisë, Gledis Nano.
Situata e rënduar e trafikut u cek këtë të Enjte edhe në Kuvend, teksa ministrja e Infrastrukturës Belinda Balluku u shpreh se me projektin për Unazën e Madhe të Tiranës, qyteti do të përshkohet për 20 minuta. Në replikë, deputetja Albana Vokshi tha se për trafikun në Tiranë, “duhet të keni turp që flisni”. “E keni bërë Tiranën ferr për banorët”, u shpreh ajo.
