Kryetari i PD Lulzim Basha akuzoi këtë të Enjte nga foltorja e Kuvendit qeverinë, për bashkëpunim me krimin.
Basha akuzoi qeverinë dhe kryeministrin Edi Rama përkeqmenaxhim të pandemisë dhe situatës së pas tërmetit dhe tendera të fshehura të dyshimtë.
“Se çfarë katastrofe ka qenë keqadministrimi dhe i korrupsioni me të ashtuquajturin rindërtim, por dhe me pandeminë këtë shqiptarët e njohin në lëkurën e tyre. Pavarësisht se janë harxhuar më shumë para dhe kohë televizive për gënjeshtra, reklamë, prapë se prapë disa fakte nuk shlyhej dot. Nëse ka diçka për të mbajtur duart në hundë është era e kërmës që qelb këtë sallë, e regjimit të instaluar duke blerë vota, duke shkrirë në një shtetin me partinë. Kjo babëzi nuk iu pengoi, që ndërkohë që Covidi ju paska penguar të ngrinit shtëpitë, të ngrinit kullën 50 kate në bashkëpronësi me oligarkët dhe krimin e organizuar me gjithë bos të narkotikës, kokainës, siç e di ti fare mirë, siç e di dhe unë nga partnerët tanë ti duhet ta dije, nga policia jote, ndoshta ta thotë drejtori i ri se kush bos kokaine ka rezervuar çfarë kati, tek ndërtesa më e lartë në Shqipëri, të cilën Covidi nuk e ndaloi”, tha Basha.
