Kryetari i Partisë Demokratike, Lulzim Basha deklaroi këtë të Enjte nga foltorja e Kuvendit se kryeministri Edi Rama po i bën presion drejtuesit të ri të Policisë.
Sipas Bashës, Rama kërkon mbrojtjes e personazheve të krimit të lidhura me të.
“Të kanë mbetur shumë pak argumente, po kërkon dëshpërimisht aleatë. Brenda shtëpisë tënde të ka ngelur një grusht, brenda oborrit të oligarkëve edhe më pak. Tek ata që dalin Zot me kobure në xhep dhe lekët e drogës, të jesh i sigurt se ka filluar t’ju rrëshqasë toka nën këmbë siç e di edhe vetë fare mirë, sepse të kanë thënë që edhe aty kopaçja do fillojë të kërcasë dhe si mbron dot më as Ardi Veliu dhe as presionet e tua ndaj cilitdo zëvendësuesi të tij”, tha Basha.
“Përpjekja për të ndërtuar një aleancë të pa shenjtë me trekëndësih e Bermudës që të del nga barku sa herë që nuk ke argumente do të dështojë po kështu, ti ke vetëm një rrugë, të pranosh që ke 8 vite që e mban vendin peng të egos tënde të sëmurë. Të kërkosh ndjesë për jetët e humbura, për shpresën e vrarë për të rinjtë e larguar për ekonominë e harruar. Të tregosh pendesë për asgjësimin e bashkëjetesës demokratike në një shoqëri, që janë zgjedhjet e lira e të ndershme. Ti heqësh duart nga fyti i SPAK-ut, të votosh vetingun në politikë dhe të lejosh që PS, e marrë peng në bodrumet e oligarkisë dhe krimit të organizuar, të ketë guximin të konkurrojë ndershëm në një fush♪7 betejë të barabartë me PD. Dhe të paktën si fillim të pranojë të paevitueshmen, daljen në opozitë si interesi më i mirë i Shqipërisë e shqiptarëve dhe pastrimi nga llumi i kriminelëve, oligarkëve me të cilët ke ardhur dhe mban pushtetin”, shtoi ai.
