Einxhel Shkira është bërë mbrëmjen e djeshme pjesë e “Big Brother Vip”. Ajo i habiti të gjithë me hyrjen e saj në këtë reality show pasi para pak kohësh, moderatorja bëri të ditur se do të zhvendosej në Afrikë për arsye pune.
Ajo shtoi se në Shqipëri nuk e mbante më asgjë dhe se është një shpirt i lirë. Moderatorja tha se është lodhur nga kornizat në Shqipëri dhe se duhet të sillesh sipas rregullave të shoqërisë, që të mos paragjykohesh nga të tjerët.
Së fundmi, gjatë një bisede me banorët, ajo ka treguar se arsyeja e rikthimit të saj ka qenë “BBV”.
“Unë duhet të ikja në Afrikë, duhet të isha atje tani, por Vëllai i Madh më zuri”- tha Einxhel, duke biseduar me Palomën dhe Kledin.
