Rreth 150 të burgosur, që vuajnë dënimin në Burgun e Sigurisë së Lartë në Peqin, që prej ditës se djeshme janë në grevë urie.
Të burgosurit kanë refuzuar ushqimin dhe daljen për ajrosje, për shkak se Drejtoria e Përgjithshme e Burgjeve ka vendosur, në kuadër të zbatimit të masave anti-Covid të ndalojë takimet e të burgosurve.
Kjo masë ka shqetësua të burgosurit, të cilët kanë marrë vendimin e grevës së urisë.
Sipas Drejtorisë së Përgjithshme të Burgut të Peqinit, personat që dua të takojnë familjarët e tyre që ndodhen në burg, duhet së paku të kenë një certifikatë vaksinimi ose një test PCR, ose një vërtetim që tregon se ata e kanë kaluar sëmundjen e Covid-19.Por me këtë test ata kanë të drejtë të takojnë të afërmit e tyre vetëm një herë në muaj. Kjo është arsyeja kryesore që ka revoltuar të burgosurit.
Nuk dihet ende nëse të burgosurit do të mbajnë të njëjtin qendrim edhe në ditët në vijim.
Kjo është hera e dytë brenda vitit, që një situatë e ngjashme ndodh në burgun e Peqinit.
