Vllaznia mori humbjen e parë sezonale në fundjavë nga Kukësi, me ndeshjen që vlente për javën e gjashtë të Superligës. Dueli foli për verilindorët, me Vllazninë që duhet të rikuperojë golavarazhin. Ndeshja e ardhshme për kuqeblutë është klasikja me Tiranën, të shtunë në 16:45.
Vendasit e Brdaric kanë statistika jo fortë të mira këtë fillim sezoni. Me 13 gola të shënuar dhe 10 të pësuar, djemtë e kroatit do duhet të fokusohen në prapavijë, pasi më shumë se ata ka pësuar vetëm Laçi (11), që i ka bërë një nisje jo të mirë sezonit.
Kthimi i Adilit shihet si i duhuri, ndërsa në formacion mund të jetë edhe Bulatovic që mungon prej dëmtimit. Mungesa të sigurta te shkodranët janë Gurishta dhe Mustedanagic për shkak kartonash.
Dueli shpeshherë ka rezervuar surpriza jo fortë të këndshme me tifozët, ndërsa ndeshja klasike pritet të jetë e luftuar edhe në fushë.
