Një 43-vjeçar i shpallur në kërkim nga autoritetet italiane është arrestuar në Tiranë.
“Shërbimet e Komisariatit të Policisë Nr.5, si rezultat i shkëmbimit të vazhdueshëm të informacioneve mes ZQK Interpol Tirana, bënë të mundur kapjen dhe arrestimin me qëllim ekstradimin drejtë Italisë të shtetasit F. Rr, 43 vjeç, banues në Tiranë. Arrestimi i këtij shtetasi u bë pasi Gjykata e Genovas, Itali, ka lëshuar urdhrin e arrestit ndërkombëtar, për veprën penale ‘Trafik i drogës’”, njoftoi policia.
Interpol Tirana, në bashkëpunim me Interpol Romën, vijojnë procedurat për ekstradimin e këtij shtetasi drejt Italisë, shtuan të njëjtat burime.
