Një ngjarje e rëndë është regjistruar ditën e sotme në Krujë, ku mësohet se 30 qytetarë kanë përfunduar në spital, me shenja helmimi.
Mësohet se qytetarët janë paraqitur në urgjencë me thuajse të njëjtat simptoma, ndërsa raportohet se pas ndihmës mjekësore janë kthyer në banesat e tyre.
Në lidhje me rastin në fjalë, drejtoresha e spitalit Yllka Shetaj është shprehur se ende nuk është e sigurt nëse helmimi vjen nga uji apo ushqimi, ndërsa ka deklaruar se ka raste të shtuara të pacientëve që kanë kërkuar ndihmë për shkak të helmimit
“Ka raste të shtuara të pacientëve që kanë kërkuar ndihmë për shkak të helmimit. Kanë marrë mjekim në urgjencë dhe janë larguar. Nuk dimë nëse helmimi vjen nga uji apo ushqimi, kemi kërkuar të bëhen analiza nga NJVKSH. Nuk mund të them se kemi të bëjmë me helmim masiv,”- u shpreh ajo.
