Deputetja socialiste, Luljeta Bozo tha në mbledhjen e sotme të komisiont të Veprimtarisë Prodhuese se nuk ka një keqmenaxhim të kaskadës së Fierzës, duke ngritur pyetjen se kush do e kishte menduar se do kishte një thatësirë të tillë që do zgjaste për tre vite.
“Hidrocentrali i Fierzës ku bie niveli qoftë edhe me një metër është një gjë e jashtëzakonshme. Ka disa terma që nuk ka të drejtë asnjeri t’i shkelë. Kush i mbush rezervuarët? Unë jam inxhiniere ndërtimi. Nëse ka vërtetë shkelje kemi të drejtë të flasim. Duhet një debat në nivel ekspertësh. Nuk besoj se ka një keqmenaxhim të kaskadës. Skavica do ishte rregullator, por erdhën ndryshimet dhe nuk u krijuan mundësitë. Kush e kishte parashikuar se do kishte tre vite një thatësirë të tillë”, deklaroi Bozo.
Nga ana tjetër, deputetët e opozitës kanë hedhur akuza për keqmenaxhim.
