Alec Baldwin fotografohet duke përqafuar bashkëshortin e kineastës që vrau aksidentalisht në sheshxhirim

Alec Baldwin ishte ‘histerik dhe absolutisht i pangushëllueshëm’ për orë të tëra, pasi qëlloi aksidentalisht kineasten Halyna Hutchins në xhirimet e filmit ‘Rust’, shkruajnë mediat e huaja.

Aktori 63-vjeçar është fotografuar së fundmi duke përqafuar bashkëshortin e Hutchins, Matt të shtunën në mëngjes, dy ditë pas vrasjes aksidentale në sheshxhirim.

Matthew Hutchin dhe djali i tij Andros morën pjesë në një përkujtimore private të mbajtur në Santa Fe të premten, me Alec Baldwin gjithashtu të pranishëm.

Thuhet gjithashtu se Matthew dhe Baldwin ishin në kontakt pas aksidentit dhe aktori ka qenë ‘shumë mbështetës’, sipas bashkëshortit të kinematografes së ndjerë.

Shoqata Ndërkombëtare e Kinematografëve organizoi një vigjilje me qirinj në Albuquerque Civic Plaza të shtunën, ndërsa bëri thirrje për masa për të mbrojtur stafin e filmit nga aksidentet e lidhura me armët e zjarrit në skenë.