Real Madrid imponohet ndaj Barcelonës në El Clasico duke triumfuar në “Camp Noun” e mbushur me 90 mijë tifozë pas më shumë se një viti e gjysmë.
Në përballjen e pare mes dy gjigantëve spanjollë, ku në asnjërën prej ekipeve nuk ishin Messi, Ronaldo apo Ramos, triumfuan lojtarët e Ancelottit me rezultatin 2-1 ku fatin e takimit e vendosën golat e Alabas dhe Vazquez.
Fillimi ishte shumë i vrullshëm për katalanasit që rrezikuan me Sergino Dest ndërsa Vinicius dhuron spektakël dhe humbet një tjetër rast për “los blancos”.
Në minutën e 32’ vjen dhe episodi që vendos fatin e El Clasicos ku në një kundërsulm të shpejtë, Alaba që shërbehet nga Modriç, lëshon një të majtë brenda zonës duke thyer Ter Stegen.
Vetëm 3 minuta më pas, Dest shpërdoron mundësinë e artë ku me portën bosh e çon topin mbi traun e portës madrilene.
Pjesa e dytë është shumë e luftuar nga të dyja ekipet që përplasen në mesfushë më së shumti teksa në 73’, Reali mund të dyfishonte me Valverde me gjuajtjen e tij që shkon jashtë kuadratit.
Koeman bën të gjitha zëvendësimet për të ndryshuar rezultatin ku aktivizon edhe Agueron por Reali mbrohet mirë dhe në aksionin e fundit në një kundërsulm të shpejtë arrin të shënojë me Vazquez 2-0. Sfida nuk ka mbaruar pasi Aguero ne sekondat e fundit shenon serish por nuk ka me kohe dhe ndeshja mbyllet 2-1. Për madrilenën një fitore me 3 pikë të arta që e çojnë në krye të renditjes por ndërkohë ka edhe një ndeshje më pak.
