Protesta jep rezultat, hiqen barrierat te ‘Pushimi i Shoferit’, në aksin Lushnje-Fier

Një protestë e organizuar nga banorët e fshatrave në anë të autostradës Lushnje-Fier ka krijuar radhë kilometrike automjetesh, mëngjesin e kësaj të shtune. Pas fillimit të trafikut, policia shkoi në vendngjarje për të bërë të mundur lirimin e rrugës.

Banorët e zonës kundërshtojnë vendosjen e barrierave metalike, prandaj dhe janë mbledhur në protestë duke bllokuar rrugën. Ata kanë bllokuar për rreth 20 minuta aksion nacional. Barrierat u vendosën pas disa aksidenteve në këtë zonë.

LEXO EDHE  Balta pushton rrugët e Vlorës/ Qytetarët: Jemi sëmurur nga lagështira, kryetari i bashkisë i bie çiftelisë

Banorët u shprehën se me mbylljen e kryqëzimit tek “Pushimi i Shoferit”, atyre i duhet të bëjnë 20 kilometra deri tek vendi i quajtur ‘Mbikalimi i Kolonjës’, për të kaluar rrugën.

Pas protestës së banorëve, autoritetet kanë marrë vendimin për ta rihapur rreth-rrotullimin.