Një person i shpallur në kërkim ndërkombëtar nga autoritetet gjermane për veprën penale “Trafikim i nakotikëve”, është arrestuar në Morinë.
“Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar: D.P., 35 vjeç, banues në Podgoricë. Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga Interpol Wiesbaden Gjermani pasi Gjykata Laufen ka lëshuar ndaj tij urdhër-arrestin për veprën penale ‘Trafikim i narkotikëv’, parashikuar nga legjislacioni penal i Gjermanisë”, njoftoi policia.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi me qëllim ekstradimin e tij drejt Gjermanisë, shtuan të njëjtat burime.
