Policia e Fierit ka arrestuar në flagrancë një shtetas të shpallur në kërkim, i akuzuar për një sërë veprash penale.
Në pranga u vu shtetasi A.M., banues në Peshtan Bregas, Fier, i cili pas një konflikte për motive pronësie ka goditur me sende të forta vëllain e tij.
Ky i fundit ishte i pajisur me urdhër mbrojtje, ndërsa ngjarja ka ndodhur vetëm pak ditë më parë.
“Ndalimi i këtij shtetasi u bë pasi Gjykata e Shkallës së Parë Fier, me vendimin e datës 21.10.2021, ka caktuar masën e sigurisë ‘Arrest me burg’ për veprat penale ‘Plagosje e rëndë me dashje’, ‘Dhunë në familje’ dhe ‘Veprime në kundërshtim me vendimin e Gjykatës’. Ky shtetas, pas një konflikti për motive pronësie, ka goditur me sende të forta vëllain e tij, shtetasin B. M i cili ishte i pajisur me urdhër mbrojtje”, njofton policia.
