Mbyllet autostrada Lushnje-Fier, shkak numri i lartë i aksidenteve fatale

Autoriteti Rrugor Shqiptar ka vendosur që të mbyllë autostradën Lushnje-Fier në zonën e quajtur si “pushimi i shoferit”. Shkak për këtë vendim është bërë numri i lartë i aksidenteve rrugore me vdekje.

Nga mbyllja e autostradës në këtë segment, do të jenë të izoluara Krutja dhe Kemishtaj. E pas kësaj pike do të mbyllet edhe kalimi i automjeteve për në Vajkan.

LEXO EDHE  Trafiku i refugjatëve, Policia: Po përdoren rrugëkalime të reja. Përfitohen 500 euro për person

ARRSH ka vendosur që të bëjë ndërhyrje në këto segmente rrugore, duke bërë të mundur rrethimin me barriera mbrojtëse anësore dhe mbylljen e hyrjeve-daljeve.

Drejtuesit e automjeteve që preken nga mbyllja e këtij segmenti të autostradës Lushnje-Fier, do të duhet të udhëtojnë deri në rrethrrotullimin e Kolonjës për t’u kthyer në Divjakë ose Krutje.